الرئيسية
أحدث الصور
ديوان شاعر الاحداث عبدالله الردعان مع مقاطع فيديو لقصائده
السلام عليكم ورحمة الله وبركاته,,,
احببت ان اضع بين ايديكم اجمل قصائد شاعرنا الكبير عبدالله الردعان
تعريف بالشاعر :
الاسم : عبدالله مبارك الردعان
من افضل شعراء الكويت ومن عمالقة و اعلام الشعر الشعبي عبدالله الردعان عاد الى
الساحة الشعريه عام 2008 بعد اعتزال للشعر دام 14 وعاد مبدع كما عهدناه
وله زاويه في الصفحة الاخيرة من جريدة الوطن وله فيها قصيدة كل يوم احد
سمي بشاعر الاحداث عام 1982 لانه كان مواكبا للاحداث السياسيه والاقتصاديه
والعاطفيه
من اشهر بيوته التي لم تذكر قصائدها في الديوان
ان كان مشغلك حب الغير متسلي ,, الله يهنيك والاسرار مكشوفة
****
اخـونـك حشــا لله مـا خــانـك الخفــاق ,, انا كيف احبك كل هالحب واخونك
عجب كيف احبك وانتظر جيتك واشتاق ,, ليـا صار غيرك شاغلٍ قلب مفتونك
****
خذها حقيقة قلب حدد مصيرة ,, غلاك مثل الدم بالعرق جاري
****
هذه نبذه مختصرة عن شاعر الاحداث الكبير عبدالله الردعان واترككم مع بعض من
صور الشاعر :
قصائده :
(( سافر عساه يعود لي بالسلامه ))
سافـر عسـاه يعـود لـي بـالسـلامه ,,, عسى السـلامه في طريـقـة تخاويه
امن الـزعـل مـا قـال مـع السلامــه ,,, الله يحفظه ويــن حطــت خطـاويــه
في غـيبته واجـب عــلي احتـرامـه ,,, اكثـر مــن عيوني احبــه واداريـــه
عمـري بـدونــه يـا حيـاة النـدامــه ,,, محدن ليـا مــن راح يعوضني فيــه
مـا فـيـنـي اتحمـل جفـاه وخصامه ,,, واشلون وانا اموت لا مــر طاريـــه
هـذا مقــامـه مـا تغـيــر مقــامـــه ,,, هـو بس يرجـع بالسلامه واراضيه
******
((( تذكرني اذكرك )))
تذكرني اذكرك تنساني يجي غيـرك ,,, هذي حياتي وانا ادري في طبايعها
صحيح احبك واداري شرك وخيرك ,,, وشلون اسلمك نفسـي وانت بايعهـا
تفكيري اليـوم ماهـو مثـل تفكيـرك ,,, ابصم عـلى العشـر فيديني واصابعها
قصرت ماتستحي من كثر تقصيرك ,,, جتني عـواذلـك تكشـف لـي بـراقعها
انا اعترف تعشق ايامي مشاويـرك ,,, والقــاك مجروح في صدمات واقعها
علمتك الحـال جـازتلي تعـابيــرك ,,, واشفيـك فـي زلـــة لسـانـك تضيعهــا
ســــود الليــالـي تعـذبنـي بتغيـرك ,,, عقب التفـاريــح ضيقـاتي تجمعهــــــا
فيديـك تكبيـر منزلتك وتصغيـــرك ,,, والعشــرة اللــي علـى بـالـي ترجعهـا
*****
((( غالي حنانك )))
يا واهب المحتاج غالي حنانك ,,, مغليـك لـو كنت الشقـي منـك مغليــك
في غيبتك دورت واحد مكانك ,,, ابغى التسلـي ميــر زاد الـولــع فـيــك
ما خانك الخافق ولايوم خانـك ,,, لــو كنت مع غيــرك سمعتــه يناديــك
سوالفك ضحكات شفة زمانـك ,,, تطريـك عـنـدي ويـن مارحت تطريك
محدن معوضني حلاوة لسانك ,,, واحساسك اللي عن هوى الغير مكفيك
رديت لي حبك وقلبك ضمانك ,,, ورديــت لك في غالي العمــر شاريــك
*****
((( قطعت الامل )))
سمــح الله طريقك لانـويـت الرحيــل ,,, منت الاول على درب الموادع رحل
قبلي الناس واجــد ســوت المستحيل ,,, ودهـا ما تــوادع والمــوادع حصل
جيتني تسبق الخطـوات عابـر سبيل ,,, رحـت مني غـرامك بالضماير نزل
نوب اشوفك شعـاع الصبح مافيه ليل ,,, ونوب اشوفك ظلام بالعيون اكتحل
شكــوتي بالقصـايــد للمحـبــة دليـــل ,,, ذوقـتـك المـرارة بعد طعــم العســل
ذكرياتـي على بـالـك تحــط وتشيــــل ,,, لاتذكرت فعـلــي يحتــويـك الخجـل
عـــزم القلـب ورحل لاتـــرد الجميـل ,,, ما بقــا غيـر تلــزم خطوتك بالعجل
روح لاتـلـتـفـت لـي قبل دمعـي يسيل ,,, والله اني من الضيقة قطعــت الامل
*****
(( يا اللي اتغلى ))
البارحة سهران ودمعــي يهلي ,,, على حبيب خان عهد المحبيـن
محدن يلوم العين فيما حصلي ,,, اسهر وعندي استوى الليل ليلين
يا مـل قلبـن راح عنــه المسلي ,,, ماله رفيق ولا لقـاله مسليـن
هذي ثلاث شهور من راح خلي ,,, وانا انتظر لاماه حين بعد حين
مــن قبل لا جيته يفـز ويـهـلي ,,, واليوم كنه ناسي عـدت اسنيـن
يا اللـي اتغـلى خـل عنك التغلي ,,, الـكبـر لله يــا عنـــود المزايين
اجــر ونــات ولاحـدن فطنلـي ,,, لا هو داريبي ولا الناس داريـــن
ليـا ذكـرت أيـامـنا اللي مضلي ,,, هلت ادموعي وقلت لا لا تهلين
قـالـوا لـي العـذال خله يــولي ,,, تلقى بدال الزين عند العرب زين
الله جعـل حـب الشـقـا مهنتلي ,,, وشلون ابدور بدال اريش العين
لـكــن يومنـك نـويـت التخــلي ,,, ماني بملـزوم بطــرد المقفيـن
*****
(( خذ مني الفرقا ))
خذ مني الفرقا على شــان خاطرك ,,, يا الله عساها في حياتك عــوافــي
ماني على وصل المحبيـن جابـرك ,,, كافي عطيتك غالي العمــر كـافي
ضحيت لك في كل شيــن امكـدرك ,,, وليــا وعـــدك الحـر مـلزوم يافي
مشاعري لو هي عشيقة مشاعـرك ,,, ما تخلق الايــام فـيـــك التجــــافي
اشره على اللي في عيونـه يـدورك ,,, ولاضميــري لو تغـلـيــت وافــي
تخبرك عني ليلة الشــوق تخبــرك ,,, لا هبـت النسمــة على جفن غافي
كلما تشوف العيــن فينـي تـذكــرك ,,, لد النظــر قــدام ولا اخــلافــــــي
هـــذي الحقيقــة لا تعقد نواظـــرك ,,, الليل طال ومشعل النور طــــافي
ضـاعـت مبـادينا نتيجة تحــــررك ,,, واشغلت نفسي عن كثير الخـوافي
خذ مني الفرقا عسى الله يصبـــرك ,,, يا واطي الجمرة على قــدم حافي
خوفي عليك امن الهوى لا يدمرك ,,, ما كل من يعطيك من قلب صافي
خذ مني الفرقا على شان خاطـرك ,,, يا الله عساها في حياتـك عـوافي
*****
لا تــردي صــار قلبك من حجــر ,,, يرحــم الله عشــرة الحـــب الكبيـــــر
((تثبت الايـام )) مـن فينــا خسـر ,,, والنــدم مــا يبــري الجــرح الخطيـر
مـن جرحتي خافقي وقــت السفـر ,,, خـــاب ظنـي قبــل تحـديــد المصير
مــا يبيــع الــود مـن قلبــه عمـــر ,,, بـالــوفــا لــوحــدة الظـــرف العسير
العنـــاد اللــي تخفينــــه ظهـــــــر ,,, والتحــدي طبـــع بالعـقــل الصغيــر
ضاع طيب النفس في حبك هـــدر ,,, كــم عطيــت الحـــب مـن قلب كثير
كم قطفت الورد من غصن الزهر ,,, يطرب المشتـــاق لا فــاح العبيـــــر
باقي الذكــرى على شـــط النهـــر ,,, ودها عن فكـــري العـــابس تطيـــر
مــا بقالك شـي مــن حكــم القـــدر ,,, الغـــلا مكتـــوب لـــه عمــر قصير
الحظيظ اللي على الشـــده صبـــر ,,, واثــق الخطــوات فـي دربـــه يسير
المـولــع مــن يـلــومــه لا سهــــر ,,, وان تصبــر عــاش بالــدنيــا بخيـر
العــذول اللـي يمــوت امــن القهـر ,,, ما يلاقي لـــه على الطيــب نصيـر
يا عـروس (ن) ترتجي رد الخبـر ,,, بلغــوهـــا لازم الفـــرقـــا تصيـــر
شجرة الصفصاف ما تعطــي ثمـر ,,, مثل نور الشمس ما فادر الضريــر
فـي جفــانــا لا تعيــديـــن النظـــر ,,, ما يطير الطيـــر واجناحــه كسيــر
جـربــي غيــري كثيـريــن البشــر ,,, تعرفين القطــن مـــن سلك الحرير
فـــرق مـا بيـــن الثـــريا والقمــــر ,,, لا حكمتــي بالعـدالـــه والضميـــر
مــا يجيــب الــدانـــه اللـي بالبحر ,,, غير غيص غاص بالجـــم الغزيــر
مـــن خطـانـا نـأخذ دروس وعبـر ,,, والقناعــــه كنـــز للعقــل البصيـــر
*****
(( ياشوق ))
اللي له الـروح طـول العـمـــر ولهــــانـــه ,,, لا يعـتـذر يـبـذل الــواجــــب على شاني
ما يحتمل خـافـق الاشــواق هجــــرانــه ,,, لا غاب يسري به الهــاجــــس للاحزاني
واصـارع الغبـن فـي خفقـات حرمـــانــــه ,,, واذوق طـعـم الجـفـــا مـــن حر ما جاني
واذا ظـروفــه سببهـــا عـــاف خــــلانــــه ,,, قالـو له الـوقـت يكشف ســـــر هجراني
الحب بـلـوى على اللي ضـــاع برهانـــه ,,, مثل الذي حب شخص حــب لـــه ثـانـــي
يا شــوق ضحيـت بالغـالـي على شانــه ,,, ذكراه ردد صــــدى عـذبـــات اللالحــانــي
يــا شــــوق وده يعــودنــي بنسيــانــــه ,,, وادري بــه ان غــاب فــي يــــوم تمنـانـي
يـا شـــوق رحال بالضيقة عن اوطانـــــه ,,, مجــروح مقهـــور امتحســـف وزعــلانـــي
هـــذا نصـيـبـي كـتـبــــه الله سبحـانـــه ,,, ضحكنـــي العــــام ميــــر اليـــــوم بكــاني
*****
(( العجيب ))
ما تَعجّبْت مِنك خابر انك عجيب ,,, اتعجّب من اللي عارفك وعْشِقِكْ
الحبايب لهلْها مِثْل سكَر حليب ,,, وانْت عَلْقم مِكدّر خاطري مَنْطِقِكْ
ما تفيد الرسايل والمواصل صعيب ,,, اذْكِر اللي مِن احساس الغلا ذوّقِكْ
لا تَحسْب الغلا جَرحٍ دواه الطبيب ,,, الغلا لا فِقَدتْ اصويحبك يَحْرِقِكْ
روح دوّر مع الدنيا بكيفك حبيب ,,, مير لا تَنْثر العبرات لا وهِقِكْ
من نسى عشْرة الطيّب رديّ النصيب ,,, خَلْ ذكراه لاهب الهوى شَوقِكْ
السلام عليكم ورحمة الله وبركاته,,,
احببت ان اضع بين ايديكم اجمل قصائد شاعرنا الكبير عبدالله الردعان
تعريف بالشاعر :
الاسم : عبدالله مبارك الردعان
من افضل شعراء الكويت ومن عمالقة و اعلام الشعر الشعبي عبدالله الردعان عاد الى
الساحة الشعريه عام 2008 بعد اعتزال للشعر دام 14 وعاد مبدع كما عهدناه
وله زاويه في الصفحة الاخيرة من جريدة الوطن وله فيها قصيدة كل يوم احد
سمي بشاعر الاحداث عام 1982 لانه كان مواكبا للاحداث السياسيه والاقتصاديه
والعاطفيه
من اشهر بيوته التي لم تذكر قصائدها في الديوان
ان كان مشغلك حب الغير متسلي ,, الله يهنيك والاسرار مكشوفة
****
اخـونـك حشــا لله مـا خــانـك الخفــاق ,, انا كيف احبك كل هالحب واخونك
عجب كيف احبك وانتظر جيتك واشتاق ,, ليـا صار غيرك شاغلٍ قلب مفتونك
****
خذها حقيقة قلب حدد مصيرة ,, غلاك مثل الدم بالعرق جاري
****
هذه نبذه مختصرة عن شاعر الاحداث الكبير عبدالله الردعان واترككم مع بعض من
صور الشاعر :
قصائده :
(( سافر عساه يعود لي بالسلامه ))
سافـر عسـاه يعـود لـي بـالسـلامه ,,, عسى السـلامه في طريـقـة تخاويه
امن الـزعـل مـا قـال مـع السلامــه ,,, الله يحفظه ويــن حطــت خطـاويــه
في غـيبته واجـب عــلي احتـرامـه ,,, اكثـر مــن عيوني احبــه واداريـــه
عمـري بـدونــه يـا حيـاة النـدامــه ,,, محدن ليـا مــن راح يعوضني فيــه
مـا فـيـنـي اتحمـل جفـاه وخصامه ,,, واشلون وانا اموت لا مــر طاريـــه
هـذا مقــامـه مـا تغـيــر مقــامـــه ,,, هـو بس يرجـع بالسلامه واراضيه
******
((( تذكرني اذكرك )))
تذكرني اذكرك تنساني يجي غيـرك ,,, هذي حياتي وانا ادري في طبايعها
صحيح احبك واداري شرك وخيرك ,,, وشلون اسلمك نفسـي وانت بايعهـا
تفكيري اليـوم ماهـو مثـل تفكيـرك ,,, ابصم عـلى العشـر فيديني واصابعها
قصرت ماتستحي من كثر تقصيرك ,,, جتني عـواذلـك تكشـف لـي بـراقعها
انا اعترف تعشق ايامي مشاويـرك ,,, والقــاك مجروح في صدمات واقعها
علمتك الحـال جـازتلي تعـابيــرك ,,, واشفيـك فـي زلـــة لسـانـك تضيعهــا
ســــود الليــالـي تعـذبنـي بتغيـرك ,,, عقب التفـاريــح ضيقـاتي تجمعهــــــا
فيديـك تكبيـر منزلتك وتصغيـــرك ,,, والعشــرة اللــي علـى بـالـي ترجعهـا
*****
((( غالي حنانك )))
يا واهب المحتاج غالي حنانك ,,, مغليـك لـو كنت الشقـي منـك مغليــك
في غيبتك دورت واحد مكانك ,,, ابغى التسلـي ميــر زاد الـولــع فـيــك
ما خانك الخافق ولايوم خانـك ,,, لــو كنت مع غيــرك سمعتــه يناديــك
سوالفك ضحكات شفة زمانـك ,,, تطريـك عـنـدي ويـن مارحت تطريك
محدن معوضني حلاوة لسانك ,,, واحساسك اللي عن هوى الغير مكفيك
رديت لي حبك وقلبك ضمانك ,,, ورديــت لك في غالي العمــر شاريــك
*****
((( قطعت الامل )))
سمــح الله طريقك لانـويـت الرحيــل ,,, منت الاول على درب الموادع رحل
قبلي الناس واجــد ســوت المستحيل ,,, ودهـا ما تــوادع والمــوادع حصل
جيتني تسبق الخطـوات عابـر سبيل ,,, رحـت مني غـرامك بالضماير نزل
نوب اشوفك شعـاع الصبح مافيه ليل ,,, ونوب اشوفك ظلام بالعيون اكتحل
شكــوتي بالقصـايــد للمحـبــة دليـــل ,,, ذوقـتـك المـرارة بعد طعــم العســل
ذكرياتـي على بـالـك تحــط وتشيــــل ,,, لاتذكرت فعـلــي يحتــويـك الخجـل
عـــزم القلـب ورحل لاتـــرد الجميـل ,,, ما بقــا غيـر تلــزم خطوتك بالعجل
روح لاتـلـتـفـت لـي قبل دمعـي يسيل ,,, والله اني من الضيقة قطعــت الامل
*****
(( يا اللي اتغلى ))
البارحة سهران ودمعــي يهلي ,,, على حبيب خان عهد المحبيـن
محدن يلوم العين فيما حصلي ,,, اسهر وعندي استوى الليل ليلين
يا مـل قلبـن راح عنــه المسلي ,,, ماله رفيق ولا لقـاله مسليـن
هذي ثلاث شهور من راح خلي ,,, وانا انتظر لاماه حين بعد حين
مــن قبل لا جيته يفـز ويـهـلي ,,, واليوم كنه ناسي عـدت اسنيـن
يا اللـي اتغـلى خـل عنك التغلي ,,, الـكبـر لله يــا عنـــود المزايين
اجــر ونــات ولاحـدن فطنلـي ,,, لا هو داريبي ولا الناس داريـــن
ليـا ذكـرت أيـامـنا اللي مضلي ,,, هلت ادموعي وقلت لا لا تهلين
قـالـوا لـي العـذال خله يــولي ,,, تلقى بدال الزين عند العرب زين
الله جعـل حـب الشـقـا مهنتلي ,,, وشلون ابدور بدال اريش العين
لـكــن يومنـك نـويـت التخــلي ,,, ماني بملـزوم بطــرد المقفيـن
*****
(( خذ مني الفرقا ))
خذ مني الفرقا على شــان خاطرك ,,, يا الله عساها في حياتك عــوافــي
ماني على وصل المحبيـن جابـرك ,,, كافي عطيتك غالي العمــر كـافي
ضحيت لك في كل شيــن امكـدرك ,,, وليــا وعـــدك الحـر مـلزوم يافي
مشاعري لو هي عشيقة مشاعـرك ,,, ما تخلق الايــام فـيـــك التجــــافي
اشره على اللي في عيونـه يـدورك ,,, ولاضميــري لو تغـلـيــت وافــي
تخبرك عني ليلة الشــوق تخبــرك ,,, لا هبـت النسمــة على جفن غافي
كلما تشوف العيــن فينـي تـذكــرك ,,, لد النظــر قــدام ولا اخــلافــــــي
هـــذي الحقيقــة لا تعقد نواظـــرك ,,, الليل طال ومشعل النور طــــافي
ضـاعـت مبـادينا نتيجة تحــــررك ,,, واشغلت نفسي عن كثير الخـوافي
خذ مني الفرقا عسى الله يصبـــرك ,,, يا واطي الجمرة على قــدم حافي
خوفي عليك امن الهوى لا يدمرك ,,, ما كل من يعطيك من قلب صافي
خذ مني الفرقا على شان خاطـرك ,,, يا الله عساها في حياتـك عـوافي
*****
لا تــردي صــار قلبك من حجــر ,,, يرحــم الله عشــرة الحـــب الكبيـــــر
((تثبت الايـام )) مـن فينــا خسـر ,,, والنــدم مــا يبــري الجــرح الخطيـر
مـن جرحتي خافقي وقــت السفـر ,,, خـــاب ظنـي قبــل تحـديــد المصير
مــا يبيــع الــود مـن قلبــه عمـــر ,,, بـالــوفــا لــوحــدة الظـــرف العسير
العنـــاد اللــي تخفينــــه ظهـــــــر ,,, والتحــدي طبـــع بالعـقــل الصغيــر
ضاع طيب النفس في حبك هـــدر ,,, كــم عطيــت الحـــب مـن قلب كثير
كم قطفت الورد من غصن الزهر ,,, يطرب المشتـــاق لا فــاح العبيـــــر
باقي الذكــرى على شـــط النهـــر ,,, ودها عن فكـــري العـــابس تطيـــر
مــا بقالك شـي مــن حكــم القـــدر ,,, الغـــلا مكتـــوب لـــه عمــر قصير
الحظيظ اللي على الشـــده صبـــر ,,, واثــق الخطــوات فـي دربـــه يسير
المـولــع مــن يـلــومــه لا سهــــر ,,, وان تصبــر عــاش بالــدنيــا بخيـر
العــذول اللـي يمــوت امــن القهـر ,,, ما يلاقي لـــه على الطيــب نصيـر
يا عـروس (ن) ترتجي رد الخبـر ,,, بلغــوهـــا لازم الفـــرقـــا تصيـــر
شجرة الصفصاف ما تعطــي ثمـر ,,, مثل نور الشمس ما فادر الضريــر
فـي جفــانــا لا تعيــديـــن النظـــر ,,, ما يطير الطيـــر واجناحــه كسيــر
جـربــي غيــري كثيـريــن البشــر ,,, تعرفين القطــن مـــن سلك الحرير
فـــرق مـا بيـــن الثـــريا والقمــــر ,,, لا حكمتــي بالعـدالـــه والضميـــر
مــا يجيــب الــدانـــه اللـي بالبحر ,,, غير غيص غاص بالجـــم الغزيــر
مـــن خطـانـا نـأخذ دروس وعبـر ,,, والقناعــــه كنـــز للعقــل البصيـــر
*****
(( ياشوق ))
اللي له الـروح طـول العـمـــر ولهــــانـــه ,,, لا يعـتـذر يـبـذل الــواجــــب على شاني
ما يحتمل خـافـق الاشــواق هجــــرانــه ,,, لا غاب يسري به الهــاجــــس للاحزاني
واصـارع الغبـن فـي خفقـات حرمـــانــــه ,,, واذوق طـعـم الجـفـــا مـــن حر ما جاني
واذا ظـروفــه سببهـــا عـــاف خــــلانــــه ,,, قالـو له الـوقـت يكشف ســـــر هجراني
الحب بـلـوى على اللي ضـــاع برهانـــه ,,, مثل الذي حب شخص حــب لـــه ثـانـــي
يا شــوق ضحيـت بالغـالـي على شانــه ,,, ذكراه ردد صــــدى عـذبـــات اللالحــانــي
يــا شــــوق وده يعــودنــي بنسيــانــــه ,,, وادري بــه ان غــاب فــي يــــوم تمنـانـي
يـا شـــوق رحال بالضيقة عن اوطانـــــه ,,, مجــروح مقهـــور امتحســـف وزعــلانـــي
هـــذا نصـيـبـي كـتـبــــه الله سبحـانـــه ,,, ضحكنـــي العــــام ميــــر اليـــــوم بكــاني
*****
(( العجيب ))
ما تَعجّبْت مِنك خابر انك عجيب ,,, اتعجّب من اللي عارفك وعْشِقِكْ
الحبايب لهلْها مِثْل سكَر حليب ,,, وانْت عَلْقم مِكدّر خاطري مَنْطِقِكْ
ما تفيد الرسايل والمواصل صعيب ,,, اذْكِر اللي مِن احساس الغلا ذوّقِكْ
لا تَحسْب الغلا جَرحٍ دواه الطبيب ,,, الغلا لا فِقَدتْ اصويحبك يَحْرِقِكْ
روح دوّر مع الدنيا بكيفك حبيب ,,, مير لا تَنْثر العبرات لا وهِقِكْ
من نسى عشْرة الطيّب رديّ النصيب ,,, خَلْ ذكراه لاهب الهوى شَوقِكْ
وسلامتكم
لشاعر الاحداث المتميز عبدالله الردعان
لشاعر الاحداث المتميز عبدالله الردعان
